VALVASORES

VALVASORES

a valvis, quasi ad valvas stantes, Spigel. Vel a Germanico Wall, quod munimen, aggerem, vallum denotat, quasi Vallasores, vel quod valvas, et introitus regni contra hostes tuerentur. Institutio eorum in Imperio coepit: ubi alii maiores dicuntur Valvassores, qui postea Regii et Vassi Dominici: alii minores, qui velut per diminutionem, Valvasini etiam appellantur. Priores sunt, qui non a Rege immediate, sed secundâ vice feuda acceperunt. scil. a Ducibus, Marchionibus et Comitibus. Posteriores vero quibus sua dispartiunt feuda Valvasores maiores. Prateo Valvasor dicitur Nobilis, qui summae coercitionis, non etiam nundinarum et mercatus ius habet (un Gentilhomme, qui a seigneurie de haute iustite) estque Barone inferior, atque ab eo feudum suum obtinet. Vide Henr. Spelmann. Glossar. Archaeol.